Go to ...

टटका खबर

Online Bhojpuri Newspaper

RSS Feed

बिहार चुनाव चर्चा


Bihar Elections

All parties are going at full speed campaigning for their candidates in the 1st phase. Eight districts will go for poll in this phase on 21st Oct. Sonia Gandhi is campaigning today in Motihari and Katihar. She said that central govt has given crorein funds for the welfare of Dalits and Minorities but Bihar government is not telling what it did with that money. BJP and JD(U) have decided to campaign jointly.

बिहार विधानसभा चुनाव के पहिला चरण के मतदान २१ तारीख के होखे जा रहल बा आ एकरा खातिर सगरी दल जोर शोर से प्रचार का काम में लागल बाड़े. सोनिया गाँधी आजु कटिहार आ मोतिहारी में चुनाव प्रचार करे आइल बाड़ी. अपना भाषण में उहो बिहार सरकार पर आरोप लगवली कि केन्द्र से मिलल करोड़ो रुपिया कहाँ खरच भइल से बिहार सरकार बतलावत नइखे. कहली कि केन्द्र बिहार में मुस्लिम विश्वविद्यालय के शाखा खोले खातिर आपन हँ दे दिहले बिया बाकिर बिहार सरकार आजु ले जमीन के इन्तजाम नइखे कर पवले.

भाजपा आ जदयू संयुक्त चुनाव प्रचार करे के घोषणा कइले बा लोग. जेटली कवनो तरह के मतभेद भा मनभेद के साफे नकरले बाड़न. ओही मंच से नीतीश कहलें कि अबकी के चुनाव में विकास एगो बड़ आ खास मुद्दा बा. अपना भाषण में नीतीश कहले कि केन्द्र बिहार में चौंसठे लाख परिवार खातिर अनाज दे रहल बिया जबकि जरुरत डेढ़ करोड़ परिवार खातिर बा. कहलन कि अगर उनकर सरकार फेर बनल त अबकी बाकिओ बचल परिवारन के अनाज भा ओकरा बदले रुपिया दिहल जाई. सुशील मोदी सहरसा में भाषण देत दावा कइले बाड़न कि राजग दू तिहाई बहुमत ले के जीती.

ओने राजद के रघुवंश बाबू कहलें कि कांग्रेस से अलगा होखल बहुते बड़ गलती रहुवे आ अगर जरुरत पड़ी त सरकार बनावे में कांग्रेस के सहयोग लिहला से परहेज नइखे राजद के.

पहिलका चरण में बिहार के आठ जिला में मतदान होखे वाला बा. एह जिलन के नाम बा मधुबनी, सुपौल, अररिया, किशनगंज, पूर्णिया, कटिहार, मधेपुरा आ सहरसा. ओने पाँचवा चरण के मतदान खातिर नामांकन के दौर जारी बा. चउथका चरण के नाम वापसी के आजु आखिरी दिन ह.

%d bloggers like this: