Go to ...
RSS Feed

पटापट खबर बिहार से


दाउदपुर थाना के पिलई पोखरा का एगो इनार से शनिचर का दिने एगो लाश मिलल जवना का पाकिट से एकमा थाना के रामपुर बिन्दालाल के मुनेश्वर मिश्रा के नाम वाला कागज मिलल बा. ओकर हाल मुकाम ओह कागज में राजकीय रेल थाना हाजीपुर लिखल बा. लाश इनार से निकाल के पोस्टमार्टम खातिर भेज दिहल गइल बा.

छपरा के जेपी विश्वविद्यालय के छात्र नेता कालेज प्राचार्यन पर छात्रन के शोषण के आरोप लगावत बाड़े. राजेन्द्र कालेज में छात्रवृति के फार्म खातिर दस रुपया लिहल जा रहल बा. पहिले ई ना लागत रहुवे. कई गो कालेजन में शपथपत्र का नाम पर सौ सौ रुपया के वसूली हो रहल बा. नाम लिखावे में धाँधली के बाजार गरम बा.

शनिचर का दिने सिवान में लोजपा के प्रदेश सचिव उमेश सिंह, राजद नेता जनार्दन सिंह आ बसपा के महाराजगंज प्रबारी रामनाथ सिंह नीतीश कुमार का मौजूदगी में जदयू में शामिल हो गइलें. आजु चुनाव हो रहल बा. बुझात बा जे जदयू भाजपा के जीते के उमेद देखत ई लोग समय रहते पाला बदल लिहल.

More Stories From TatkaKhabar

%d bloggers like this: