Go to ...

टटका खबर

Online Bhojpuri Newspaper

RSS Feed

बनारस शीतला घाट पर बम विस्फोट


आजु साँझ बनारस के शीतला घाट पर रोज का तरह गंगा आरती होखे का समय एगो बम विस्फोट होखला से दू दर्जन से बेसी लोग घवाहिल हो गइल बा. दू आदमी के मरे के खबर बा बाकिर ओकर आधिकारिक पुष्टि नइखे भइल. घवाहिलन में कुछ विदेशी पर्यटको रहलें जे गंगा आरती देखे खातिर घाट पर चहुँपल रहलें. बम विस्फोट का बाद देश के कईएक शहरन में अलर्ट के घोषणा कर दिहल गइल बा. केन्द्रीय गृह मंत्रालय का तरफ से एह विस्फोट का बाबत कवनो जानकारी नइखे जारी भइल. एहसे कहल मुश्किल बा कि के, काहे ई हमला कइल. वइसे काल्हु छह दिसम्बर का दिने यूपी में काफी एहतियात बरतल गइल रहे काहे कि ओही तारीख के अयोध्या में विवादित ढाँचा गिरा दिहल गइल रहे. बनारस के आजु के बम विस्फोट के ओह मामिला से जोड़ल ठीक ना कहाई काहे कि अबही पूरा विवरण नइखे मिलल.

%d bloggers like this: