बलिया के जिला पंचायत अध्यक्ष चुनाव में रामधीर सिंह आ राजमंगल यादव का बीच में काँटा के लड़ाई हो रहल बा. रामधीर सिंह बसपा के तरफ से जबकि राजमंगल यादव सपा का तरफ से मैदान में बाड़न. उड़त चिरई के हरदी लगावे वाला लोग के कहना बा कि एह लड़ाई में रामधीर सिंह के जीत तय बा काहे कि पचास गो मतदाता में से छत्तीस गो रामधीर सिंह के कैम्प में जा चुकल बाड़े. राजमंगल यादव निवर्तमान जिला पंचायत अध्यक्ष हउवें.
