प्रभावती गुप्ता के निधन

बिहार के पुर्व मंत्री आ कांग्रेसी नेता प्रभावती गुप्ता के आजु निधन हो गइल. सत्तासी बरीस के प्रभावती गुप्ता एने बहुते दिन से बीमार रहली हा. उनका निधन पर नीतीश कुमार समेत बहुते राजनीतिक नेता लोग आपन संवेदना जाहिर कइले बा. सरकार उनकर अंतिम संस्कार राजकीय सम्मान का साथे करावे के कहले बिया. नीतीश कुमार अपना बयान में कहले बाड़न कि मेहरारुवन में जागृति ले आवे में प्रभावती जी बहुते काम कइले रहनी.