Go to ...

टटका खबर

Online Bhojpuri Newspaper

RSS Feed

जेल में बन्द नीरा यादव के जमानत पर फैसला परसों


भ्रष्टाचार का आरोप में जेल में बन्द यूपी सरकार के पूर्व मुख्य सचिव नीरा यादव के जमानत याचिका पर फैसला तेरह दिसम्बर के कइल जाई. उनका के मिलल जेल के सजाय के चुनौती देबे वाली याचिका इलाहाबाद उच्च न्यायालय सकार लिहले बा. पिछला सात दिसम्बर के नीरा यादव आ फ्लेक्स इन्डस्ट्रीज के चेयरमैन अशोक चतुर्वेदी के जमीन घोटाला का एगो मामिला में चार चार साल के सजा सुनावल गइल. नीरा यादव मुलायम सिंह यादव का जमाना में यूपी के चीफ सेक्रेटरी रहली. जेल में बन्द नीरा से भेंट करे एक दिन मुलायम सिंह के बेटा अखिलेश यादव गइल रहलें. नीरा यादव देश के पहिला आईएएस आफिसर रहली जेकरा के भ्रष्टाचार का मामिला में कोर्ट का आदेश का चलते बर्खास्त कइल गइल. शायद नीरा यादव के मिलल सजा से बाकि बेइमान आफिसरनो के कुछ सीख मिलल होखी आ आगा से ऊ अउरी बेसी सफाई से भ्रष्टाचार करीहें. बिना कइले त अधिकतर आफिसर रहिये ना सकस, आ अगर कुछ लोग रहलो चाही त देश के नेतवा ओकरा के रहे ना दीहें सँ.

%d bloggers like this: