यूपी के सूबेदार बनि के लवटिहें उमा भारती

चरचा बा कि भाजपा से रुस के निकलल उमा भारती फेर से भाजपा में लवटे वाला बाड़ी आ अबकी उनका के यूपी सूबा के जिम्मेदारी दिहल जाई. यूपी में भाजपा बहुते कमजोर हो गइल बिया आ ओकरा पाछा एहिजा के बड़का नेतवन के आपसी लड़ाई बा. अब एह लड़ाई का बीच बाहर से थोपाइल उमा भारती कवन आ कतना चमत्कार कर पइहें ई देखे लायक बाति होखी.
उमा भारती के लवटे के बाति अबकी लालकृष्ण आडवाणी खुदे चलवले बाड़न. कहलें कि गडकरी एह सिलसिला में उनका से बतियवले बाड़न. आडवाणी जसवन्त सिंह से बतियवलें त ऊ खुशी खुशी वापिस आ गइल बाड़न आ अपना काम में जोर शोर से लाग गइल बाड़े. उमा भारती से गडकरी अपने बतियवले आ ओकरा बाद उमा उनुका से, आडवाणी से, बतियवली आ उनका सलाह पर यूपी भाजपा के मजबूत करे खातिर राजी हो गइल बाड़ी.