बिहार का हार से हरला के जरुरत नइखे

बिहार विधानसभा चुनाव में मिलल करारा हार का बाद पहिला बेर अपना सांसदन से बतियावत कांग्रेस अध्यक्षा सोनिया गाँधी आजु दिल्ली में कहले बाड़ी कि एह हार से हरला के जरुरत नइखे. बरिसन बाद कांग्रेस बिहार के सगरी सीटन पर चुनाव लड़लसि इहे साहस के बाति बा. कहली कि ऊ त पहिलही से जानत रहली कि बिहार से कवनो खास उमीद नइखे. सोनिया गाँधी इहो कहली कि जहवें जरुरत होखी तहवें अइसने कइल जाई.