Go to ...

टटका खबर

Online Bhojpuri Newspaper

भोजपुरी के बढ़ाईं, टटका खबर पर विज्ञापन दीं.

अधिका जानकारी ला  editor@anjoria.com  के मेल करीं.

RSS Feed

नालायक गृहमंत्री के बेजाँय बयान


देश के गृहमंत्री पी चिदंबरम से अपना विभाग के काम त सम्हरे ना बाकिर बयानबाजी में केहु से कम ना रहल चाहसु. काल्हु कहलन कि दिल्ली में बढ़त अपराधन का पाछा बाहरी लोग बा. साफ त नाम ना लिहलन बाकिर इशारा जरुर बिहार आ यूपी से आवे वाला लोग रहल. एह बयान का तुरते बाद उनकर निंदा होखे लागल. भाजपा के एस एस अहलूवालिया कहलन कि अदालती आदेश का बावजूद अवैध तरीका से आइल बांगलादेशियन के निकाल नइखन पावत बाकिर अपने देश में रोजी रोटी का तलाश में आइल लोग पर दोष लगावत बाड़न. मायावती, मुलायम, लालू सभे एक सुर में चिदंमबरम के लताड़े लागल त कांग्रेसियो सजग भइलें आ कहे लगले कि चिदंबरम के बयान गैर जरुरी रहे. कांग्रेसियन के डर लागल कि बिहार में करारा हार का बाद दोसरो प्रदेशन में कांग्रेस का खिलाफ हवा बने लागी. बाद में चिदम्बरम कहे लगलन कि उनकर कहला का मतलब ऊ ना रहे जवन लोग लगा लिहल. शायद एही से भोजपुरी में एगो कहावत कहल जाला, “बिना हवा के पीपर डोले, बिना बोलाये बरुआ बोले”.

More Stories From TatkaKhabar

%d bloggers like this: