web analytics

भारत के बहादुर खिलाड़ी पहिला दिने टीम के आउट ना होखे दिहलें

क्रिकेट खेले दक्षिण अफ्रीका गइल भारत के टीम के काल्हु पहिला टेस्ट में पहिला दिने पूरा टीम के आउट करे के दक्षिण अफ्रीका के गेंदबाज भरपूर कोशिश कइलन बाकिर भारत के रणबाँकूरा खिलाड़ी एगो विकेट बचाइये लिहलन आ टीम पूरा आउट ना हो सकल. अब कहे वाला इहो कह सकेलें कि काल्हु बरखा का चलते खेल देरी से शुरु भइल रहे आ जल्दिये खतमो कर देबे के पड़ल काहे कि रोशनी खराब रहे. भारत नौ विकेट का नुकसान पर 136 रन के रेत के पहाड़ खड़ा कर दिहले बा. आजु के खेल में का होई ई देखे खातिर देश भर के क्रिकेट प्रेमी आतुर बाड़े. कहल जा रहल बा कि अपना पर अतना भरोसा रहुवे भारत के टीम के कि कप्तान आ कोच मैच शूरु होखे से पहिले क्रीज देखे के जहमत उठावलो बेकार समुझलें.

 105 total views,  5 views today

%d bloggers like this: