गीतकार शैलेन्द्र के सम्मान समारोह

अखिल भारतीय भोजपुरी साहित्य सम्मेलन का तत्वाधान में भोजपुरी के पहिला फिल्म “गंगा मईया तोहे पियरी चढ़इबो” के गीतकार शैलेन्द्र के पुण्यतिथि का अवसर पर १४ दिसम्बर के दिल्ली का एशियन खेल गाँव में कार्यक्रम भइल जवना के अध्यक्षता इग्नू के भोजपुरी भाषा, साहित्य, आ सांस्कृतिक केन्द्र के निर्देशक प्रो॰शत्रुघ्न कुमार कइलें. एह मौका पर डिवाइन लाइट के अध्यक्षा मनोरमा दूबे, पुर्वांकुर संपादक रमेश कुमार, फिल्म आलोचक प्रह्लाद पटेल, राजीव सिंह, समाधान के निदेशक मनोज सिंह आ भोजपुरी जिन्दगी के संपादक संतोष पटेल आपन आपन विचार रखलें. एह मौका पर भोजपुरी जिन्दगी पत्रिका के विमोचनो करावल गइल.