Go to ...

टटका खबर

Online Bhojpuri Newspaper

RSS Feed

खेल मंत्री माफी मँगले


एशियाई खेलन में सोना के तगमा जीते वाली धाविका सुधा सिंह के पिछल दिने एगो समारोह में शामिल यूपी के खेलमंत्री चिन्हबो ना कइलन आ आयोजक मंत्री जी का चमचई में अइसन लागल रहलन कि आमंत्रित मेहमान सुधा सिंह के अनदेखी कर दिहलन. अपना अपमान से आहत सुधा बाहर निकल अइली आ एलान कर दिहली कि अब यूपी का तरफ से ना खेलिहन. एह एलान का बाद खेल मंत्रालय नींद से जागल आ सुधा सिंह के मनावे में लाग गइल. खेल मंत्री अयोध्या प्रसाद पॉल अनजाने में भइल अपना गलती खातिर माफी माँग लिहलन. कहलन कि उनुका पते ना रहे कि सुधा सिंह आइल बाड़ी जे स्वर्ण पदक विजेता खिलाड़ी हई. एह मान मनौवल का बाद सुधा सिंह मान गइल बाड़ी यूपी का तरफ से खेलत रहे के.

%d bloggers like this: