लालू प्रसाद के पार्टी राष्ट्रीय जनता दल के समीक्षा बइठक काल्हु से पटना में शुरु हो गइल जवन आजु बुध ले चली. एह बइठक में लालू प्रसाद, रामचन्द्र पूर्वे, अब्दुलबारी सिद्दीकी, रघुवंश प्रसाद सिंह, आ रामकृपाल यादव समेत पार्टी के बड़का नेता शामिल बाड़े. बइठक में एह बात पर चरचा चलावल जा रहल बा कि पिछला चुनाव में राजद के हार काहे आ कइसे भइल. रघुवंश प्रसाद सिंह पत्रकारन से बतवलें कि एह में राजद के जनाधार के लेके चरचा होखी आ पार्टी के मजबूत बनावे का दिसाईं कोशिश शुरु होखी.
