टटका खबर

उत्तर प्रदेश पंचायत चुनाव का क्रम में काल्हु ब्लाक प्रमुखन के चुनाव पूरा हो गइल. अधिकतर जगहा से बसपा उम्मीदवार जीतल बाड़न. ज्योतिबा फूले नगर के हसनपुर क्षेत्र में बसपा विधायक भगवान शर्मा उर्फ गुड्डू पंडित के गिरफ्तार कर लिहल गइल बा. गुड्डू पंडित पर आरोप बा जे ऊ चौदह गो क्षेत्र पंचायत सदस्यन के अपहरण कर लिहले रहले. अधिकतर के छोड़ा लिहल गइल बा. बाकिर एगो महिला अपहृत के अबहियो पता नइखे. गोरखपुर के जंगल कौड़िया में भाजपा उम्मीदवार गोरख सिंह के विजय जुलूस पर गोलीबारी से अनेके लोग घाही हो गइल बा. बलिया जिला के सत्रह सीट में से सात गो पर बसपा, पाँच गो पर सपा, दू गो पर कांग्रेस, आ तीन गो पर निर्दल उम्मीदवार जीतल बाड़ें.