web analytics

बिहार का देखादेखी यूपीओ में कड़ाई

पड़ोसी राज्य बिहार में भ्रष्टाचार का खिलाफ चल रहल लड़ाई के जनमानस पर प्रभाव देखत यूपी में बसपा तय कइले बा कि एहिजो अपराध पर काबू राखल जाई. पार्टी से दागी राजनेतवन के हटावे खातिर हर जिला कोआर्डिनेटर के कह दिहल गइल बा कि ऊलोग अपराधी आ दागी नेता लोग के सूची तइयार करे. अगर कवनो अपराधी भा दागी आदमी पार्टी का पद पर मिलल त कोआर्डिनेटरो लोग का खिलाफ कार्रवाई कइल जाई. हालही में भइल पंचायत चुनाव में बसपा नेता लोग दबंगई के खेल खुल के खेलल जवना से राज्य में आम जनता पर गलत प्रभाव पड़ल बा. सगरी पार्टि सदस्यन के कह दिहल गइल बा कि मायावती के जन्मदिन के तइयारी सादगी से होखे आ चन्दा खातिर कतहीं जोरजबरदस्ती के शिकायत ना आवे के चाहीं.

 119 total views,  5 views today

%d bloggers like this: