मोतिहारी के बावन बिगहा तालाब के पर्यटक स्थल में विकसित करे के बाति उठावल गइल बा. ओहिजा बौद्ध स्तूपो बा. तालाब अतना बड़हन बा कि झील का तरह लागेला आ ओकरा के पर्यटन स्थल का तरह विकसित कइल जा सकेला. तालाब में नौकायन के सुविधा दिहल जा सकेला. हर साल विदेशी पक्षी बड़हन संख्या में एह तालाब में आश्रय लेलें. पिपरा चौक से महज साढ़े चार किलोमीटर का दूरी पर मौजूद एह तालाब का किनारे एह साल बड़हन संख्या में लोग पिकनिक मनावे चहुँपे त अचरज ना होखे के चाहीं. एहसे ओहिजा के स्थानीय लोग के जमीन के भाव बढ़ जाई आ आमदनियो के इन्तजाम हो जाई.

By admin

%d bloggers like this: