web analytics

पिकनिक मना के लवटति में दुर्घटना

भारत नेपाल सीमा पर भिखनाठोरी से पिकनिक मना के मोटरसाइकिल से लवटति तीन गो इंजीनयरिंग छात्र के मोटरसाइकिल सहोदरा थाना का लगे मोड़ पर बेकाबू हो के एगो गाछि से टकरा गइल जवना का बाद एगो छात्र रुपेश के मौत ओहिजे हो गइल. दोसर घवाहिल नीतेश यादव के मौत अस्पताल में इलाज का दौरान हो गइल आ तिसरका अभिषेक के पटना अस्पताल भेजल गइल बा जहवां ओकरो हालत गंभीर बा. तीनो चेन्नई के एगो इंजिनियरिंग कालेज के पहिला वर्ष के छात्र रहलें आ छुट्टी में घरे आइल रहलें. रुपेश कोतराहा गांव के आ नीतेश डकहवां गांव के रहलें. अभिषेक बेतिया परबतिया टोला के हउवे.

 218 total views,  5 views today

%d bloggers like this: