Go to ...

टटका खबर

Online Bhojpuri Newspaper

RSS Feed

बिहार के बेपानी करे पर भिड़ल बा उत्तर प्रदेश


रिहंद जलाशय से बेसी पानी छोड़े के बिहार सरकार के निहोरा नकारत उत्तरप्रदेश साफ कर दिहले बा कि जतना दिहल जा रहल बा ओकरा से एक बूंद बेसी पानी ना दिहल जाई. ओने बिहार सरकार अपना किसानन के दुर्दशा देख परेशान बिया. रिहंद जलाशय के बेंवत ८८० फीट पानी के बा जबकि ओहिजा ८४३ फीट पानी बा. बिहार के सोन नहर प्रणाली पर एहसे बहुते खराब असर पड़ल बा आ रोहतास, कैमूर, बक्सर, भोजपुर, औरंगाबाद, अरवल, जहानाबाद, आ पटना जिला के खेत सिंचाई बिना बरबाद होखे का कगार पर बा. यूपी का इन्कार का बाद ओह खेतन के रबी फसल बचावल मुश्किल हो गइल बा.

%d bloggers like this: