Go to ...

टटका खबर

Online Bhojpuri Newspaper

RSS Feed

विश्वकप खातिर भारत के टीम के चयन


विश्व कप खातिर भारत के टीम खातिर पन्द्रह गो खिलाड़ी चुनल गइल बाड़ने जवना में यूपी के पियूष चावला के नाम देख के सभे चउँकल बा काहे कि पियूष साल २००८ का बाद से टेस्ट भा वनडे नइखन खेलले. साथही कुछ खेल आलोचको एकरो पर चकित बाड़न कि हरभजन सिंह का रहला का बाद दोसरका स्पेशलिष्ट लेग स्पिनर रखला के का जरुरत रहल. एह टीम में सचिन तेंदुलकर, वीरेन्द्र सहवाग, गौतम गंभीर, आ प्रवीणकुमार घवाहिल होखला का चलते पूरा तरह फिट नइखन बाकिर चयनकर्ता एह उमेद में ओह लोग के नाम शामिल कइले बाड़न कि खेल शुरु होखे तक ई लोग ठीक हो जाई. टीम में महेन्द्र सिहं धोनी कप्तान, वीरेन्द्र सहवाग उपकप्तान, सचिन तेंदुलकर, गौतम गंभीर, विराट कोहली, युवराज सिंह, सुरेश रैना यूसुफ पठान, हरभजन सिंह, जहीर खान, आशीष नेहरा, प्रवीण कुमार, मुनाफ पटेल, आर अशथविन, आ पियूष चावला के शामिल कइल गइल बा. एहमें से यूपी से सुरेश रैना, प्रवीण कुमार, आ पियूष चावला के नाम बा. बिहार से कवनो खिलाड़ी टीम में नइखे.

%d bloggers like this: