बाबू कुंवर सिंह विश्वविद्यालय के कुलपति सुभाष प्रसाद सिंह काल्हु घोषणा कइले कि भारत के उप प्रधानमंत्री रहल बाबू जगजीवन राम के व्यक्तित्व आ कृतित्व पर शोध करावे खातिर सगरी खरचा विश्वविद्यालय दीहि. ई विश्वविद्यालय अनुदान आयोग का तरफ से दिहल जाई. एह शोध खातिर खास कर के अनुसूचित जाति आ जनजाति के लोग के प्रोत्साहित कइल जाई. ई जानकारी काल्हु आरा में पिछला तीन दिन से चल रहल भारत निर्माण जन सूचना अभियान के समापन समारोह में दिहल गइल. समापन समारोह मे दूरदर्शन कलाकार मनमोहक कार्यक्रम पेश कइले.
