हरदोई के एगो फैक्टरी में गैस रिसाव से तीन जने के मौत

उत्तर प्रदेश का हरदोई में कैंसर के दवाई खातिर कच्चा माल बनावे वाला एगो कारखाना में परखनली चटकला से फासजीन नाम के जहरीली गैस के रिसाव हो गइल जवना चलते दर्जनो लोग बीमार हो गइलें. तीन आदमी के ओह जहरीला गैस से मौत हो गइल बा आ बाकी लोग के इलाज चल रहल बा जवना में से कई लोग के हालत खराब बा. फैक्टरी मालिक पर मुकदमा दर्ज कर लिहल गइल बा आ प्रशासन के तरफ से मुआविजा देबे के एलान कर दिहल गइल बा.