यूपी के पूर्वमुख्य मंत्री मुलायम सिंह दावा कइले बाड़न कि यूपी में मिश्र जइसन आन्दोलन शुरु होखी जेहसे कि एहीजा के भ्रष्ट सरकार के हटावल जा सके. ऊ अपना पार्टी, जवना के सर्वे सर्वा या त ऊ खुद बाड़े भा उनकर बेटा भाई, के तीन दिन के राज्य सम्मेलन में भाषण देत ई बाति कहलन. कहलन कि एह आंदोलन में हिंसा ना होखी. ऊ मरीहें ना बाकिर मनबो ना करीहें. मुलायम जी के आपन जमाना भुला गइल बा शायद जब राज्य के जनता सपाइयन के गुण्डागर्दी से त्रस्त रहे आ मजबूरन ओकरा साइकिल छोड़ हाथी के सवारी करे के पड़ल. मुलायम के जनता जवन सिखवलसि ओकरा के ऊ सीखे के नइखन चाहत.
