अब बिहार दिवस का अवसर पर भोजपुरी फिल्मोत्सव

अगिला २२ मार्च के बिहार दिवस मनावल जाई. एही तारीख के बिहार राज्य के गठन भइल रहे. एह मौका पर बिहारियत जगावे खातिर तय कइल गइल बा कि भोजपुरी फिल्म आ बिहार के बारे में बनल डाकूमेन्टरियन के देखावल जाई. फिल्म समारोह मोना सिनेमा में होखी जवना में सात गो चुनल भोजपुरी फिल्म देखावल जाई. फिल्म के चयन हो रहल बा आ हो सकेला कि ओकरा खातिर पैरवीओ चालू होखे. १४ गो डाकूमेन्टरी देखावे के योजना बा जवना खातिर निर्माता लोग अपना फिल्म के विवरण दाखिल कर दिहले बा. सगरी फिल्म मुफ्त में देखावल जाई.

छह दिन के एह समारोह के आयोजन के जिम्मेदारी बिहार सरकार के सूचना आ जनसंपर्क विभाग के दिहल गइल बा.