केन्द्र सरकार से समर्थन वापिस ना लिहलसि डीएमके

काल्हु केन्द्र सरकार से समर्थन वापसी के धमकी देबे वाला डीएमके आजु कुछ ना कइलसि. ना त कवनो मंत्री इस्तीफा दिहले ना समर्थन वापसी के नोटिस दिहलसि. कहल जात बा कि दुनु पार्टी में समझौता करे के बाति चल रहल बा. तबले मुलायम अपना पार्टी के समर्थन देबे के बहाने आपन गोटी लाल करे में लागल बाड़े. बहाना जरुर बनावत बाड़े कि देश अबही चुनाव नइखे चाहत. ओने बीजू जनता दल एह बाति से इन्कार कइले बा कि ऊ केन्द्र में कांग्रेस के समर्थन दे सकेला.