बिहार सरकार शराबखोरी नइखे बढ़ावत

विधानपरिषद में बहस का बीच दखल देत मुख्य मंत्री नीतीश कुमार कहले कि बिहार सरकार शराबखोरी के बढ़ावा नइखे देत. असल बाति ई बा कि राजस्व चोरी पर लगाम लागला का चलते सरकार के आबकारी विभाग बेसी राजस्व वसूल पा रहल बिया. विपक्ष के आरोप रहे कि एनडीए सरकार गली गली में शराब के दोकान खोलवा दिहले बिया. नीतीश कुमार इहो कहलन कि शराब पियल रोके खातिर सरकार समय समय पर अभियान चलावत रहेले आ एह अभियान में औरतन के बेसी सहभागिता पर जोर दिहल जाई.