web analytics

गरीब बच्चन खातिर मुफ्त शिक्षा नियमावली

बिहार सरकार साफ कइले बिया कि शिक्षा के अधिकार का तहत निजी स्कूल के एक चौथाई सीट गरीब बच्चन खातिर रही जवना के फीस, किताब आ पोशाक के खरचा सरकार दी. एह सीट पर प्रवेश में अनुसूचित जाति, जनजाति, पिछड़ी जाति आ अल्पसंख्यक वर्ग खातिर आमदनी के कवनो सीमा नइखे. करोड़पतियो के बच्चा एह सीट पर निशुल्क प्रवेश पा सकेला. हँ सामान्य वर्ग खातिर आमदनी के सीमा बा. दू लाख रुपिया सालाना से बेसी कमाये वाला आदमी के बच्चा एह सीट पर प्रवेश ना पा सकी. सरकार के एह फैसला से निजीओ स्कूल के कवनो आपत्ति ना होखी शायद. काहे कि तब ऊ अमीर परिवार के बच्चन के प्रवेश ले के अपना स्कूल के माहौल अमीर वाला बनवले राख सकेले.

 106 total views,  5 views today

%d bloggers like this: