बिहार आ यूपी में आबादी बढ़े के रफ्तार घटल

जनगणना २०११ के शुरुआती आँकड़ा से पता लागत बा कि यूपी बिहार समेत देश के आठ गो राज्य में आबादी बढ़े के रफ्तार में कमी आइल बा. नयका जनगणना में यूपी के आबादी २० करोड़ आ बिहार के आबादी साढ़े दस करोड़ बतावल गइल बा.महाराष्ट्र के आबादी सवा एगारह करोड़ बतावल गइल बा. इहो देखल जा रहल बा कि लड़िकियन के संख्या घटल जात बा जवन कि सभका खातिर चिन्ता के बात होखे के चाहीं आ जवन बतावत बा कि सरकार के सगरी प्रयास बेकार जा रहल बा. चुनु चुन के लड़िकियन के भ्रूण हत्या हो रहल बा.