Go to ...
RSS Feed

शुक से शुरु हो रहल बा क्रिकेट के प्रीमियर लीग


खेल से बेसी नोट कमाये वाला धंधा बन चुकल इण्डियन क्रिकेट के चउथका प्रीमियर लीग काल्हु से शुरु हो रहल बा. पहिले के तीनो लीग सफलता पूर्वक संपन्न हो चुकल बा. दुसरका लीग देश में चुनाव का चलते दक्षिण अफ्रीका में करावल गइल रहे. एह लीग में शामिल सगरी टीम जोरदार मुनाफा कमा रहल बाड़ी सँ. काल्हु के पहिलका मैच चेन्नई सुपर किंग्स आ कोलकाता नाइट राइडर्स का बीच चेन्नई के चेपक में चिदम्बरम स्टेडियम में होखे जा रहल बा.५१ दिन ले चले वाला एह लीग में १० गो टीम का बीच ७४ गो मैच होखे वाला बा जवन कि देश के तेरह गो मैदानन में खेलल जाई. अबकी के लीग में दू गो नया टीम बाड़ी सँ केरल के कोची टस्कर्स आ पुणे के पूणे वैरियर्स.

More Stories From TatkaKhabar

%d bloggers like this: