सिवान डाकघर में सबले बेसी मनीआर्डर आवेला

लगातार तीन साल से सिवान डाकघर विदेशन से आवे वाला मनिआर्डर का मामिला में अव्वल बनल बा. जबकि पूरा बिहार देश भर में चउथका जगहा पर बा. सिवान में पिछला लेखा साल में करीब एक सौ मनिआर्डर रोजाना के आवती रहल बा. खुशी के बाति बा कि मनिआर्डर भेजे का मामिला में बिहार एकदमे फिसड्डी बा. एह सब का पाछा एके गो कारण बा कि बिहार के लोग दुनिया भर में पसरल बा आ ओहिजा से अपना घर बार खातिर मनिआर्डर भेजत रहेला.