web analytics

श्री कृष्ण का भक्ति में डूबल उत्तरप्रदेश आ बिहार

लखनऊ, पटना, 22 अगस्त (आईएएनएस). श्रीकृष्ण जन्मोत्सव का अवसर पर पटना के रामजानकी चौराहा पर राधा-कृष्ण अउर भगवान जगन्नाथ मंदिर में जन्मोत्सव के विशेष तइयारी कइल गइल बा. रात में भजनो कीर्तन के तइयारी बा.

श्रीकृष्ण मेमोरियल हॉल आजु रात इस्कॉन का तरफ से श्रीकृष्ण लीलामृत के प्रस्तुति कइल जाई.

एने, पटना के मशहूर महावीर मंदिर में अतवार का दिने जन्माष्टमी मनावल गइल. रात भर भजनकीर्तन के दौर चलल.

राज्य के बक्सर, मुजफ्फरपुर, भागलपुर, पुर्णिया, औरंगाबाद आ मुंगेर समेत कई जिलन में कृष्णजन्मोत्सव के तैयारी अंतिम चरण में बावे.

उत्तर प्रदेश के राजधानी लखनऊ समेत राज्य भर में मंदिरन में भक्तन के भारी भीड़ पहुंचल बा आ प्रार्थना आ सांस्कृतिक कार्यक्रमन के दौर जारी बा.

राजधानी के इंदिरानगर में राधाकृष्ण मंदिर, गोमतीनगर के बांकेबिहारी मंदिर, आलमबाग में कृष्ण मंदिर आ विकास नगर के गुलाचीन मंदिर के फूल आ रोशनी से सजावल गइल बा. भगवतगीता के श्लोक पढ़ल जात बा आ भक्त कृष्ण भजन गावत बाड़े. पूरा माहौल कृष्णमय हो गइल बा.

लखनऊ समेत राज्य के कई थाना आ जेलन में जन्मोत्सव के झाँकी सजावल गइल बा.

(इंडो-एशियन न्यूज सर्विस)

 143 total views,  5 views today

%d bloggers like this: