वाराणसी, 29 अगस्त(आईएएनएस). उत्तर प्रदेश के वाराणसी जिला के सारनाथ इलाका में विश्वमित्र कोल्ड स्टोरेज में सोमार का दिने भयंकर आग लाग गइल. आग बुतावे खातिर दमकल के 20 गो गाड़ी लगावल गइल बा. आग अतना भयंकर बा कि ओकरा के बुतावे में कई घंटा लाग सकेला.

एह आग से करोड़ों रुपिया के नुकसान भइल बा आ कोल्ड स्टोरेज में राखल सूखा मेवा, गरम मसाला, फल अउर सब्जियन के भंडार जर के राख हो गइल बा.

आग कइसे लागल एकरा बारे में अबही कुछ नइखे कहल जा सकत. पुलिस इहो देखत बिया कि कोल्ड स्टोरेज में आग से निपटे के पूरा इंतजाम रहुवे कि ना.

(इंडो-एशियन न्यूज सर्विस)