इंजीनियरिंग के साझा परीक्षा अगिला साल से ना हो पाई

चौबे गइलन छब्बे बने दूबे बन के अइलन वाला अंदाज में कपिल सिब्बल के योजना कि इंजीनियरिंग प्रवेश खातिर पूरा देश में साझा प्रवेश परीक्षा करावल जाव हवा में उधिया गइल. कानपुर आईआईटी घोषणा कर दिहलसि कि ऊ अगिला साल से आपन अलगे प्रवेश परीक्षा कराई. दिल्ली के आईआईटीओ हो सकेला कि आपन अलगे प्रवेश परीक्षा करावे. कानपुर आईआईटी के कहना बा कि साझा प्रवेश परीक्षा के प्रस्ताव गलत रहे आ एह से कानून के लाँघलो जात रहुवे.