पूर्वांचल विश्वविद्यालय के विद्यार्थी अमेरिका में शोध कर सकीहें

जौनपुर के वीरबहादुर सिंह पूर्वांचल विश्वविद्यालय अमेरिका के विश्वविद्यालयन से बातचीत में लागल बा जवना का बाद एहिजा के विद्यार्थी अमेरिका के विश्वविद्यालयन में शोध कर सकीहें. एह दिसाईं फैसला करे से पहिले अमेरिका के वर्जीनिया विश्वविद्यालय के टीम अगस्त में पूर्वांचल विश्वविद्यालय के दौरा करे आई आ प्रबन्धन, शिक्षकन आ विद्यार्थियन से बातचीत कर के सही जानकारी बिटोरी.