सड़क दुर्घटना में उनचालीस श्रद्धालुवन के मौत
July 16, 2012
महाराजगंज के इटहिया सिव मंदिर में जल चढ़ावे खातिर नेपाल के त्रिवेणी संगम से पानी भरे जात श्रद्धालुवन से भरल बस नेपाल के नवलपरासी इलाका के झुलनीपुर का लगे गंडक नहर में पलट गइल जवना चलते ओह पर सवार उनचालीस गो श्रद्धालुवन के मौत हो गइल. बारह लोग घवाहिलो भइल बा. मरे वालन में महाराजगंज के निचलौल तहसील के निवासी रहलें. प्रदेश सरकार मरेवालन के परिजन के एक एक लाख रुपिया के सहायता देबे के एलान कइले बिया. नेपाल में भारतीय दूतावास के अधिकारी मौका पर चहुँप के शव भेजवावे के इंतजाम में लागल बाड़ें.