शुक का दिने देवरिया के सलेमपुर में एगो रेलवे क्रासिंग पार करत कार रेल इंजन के चपेटा में आ गइल जवना से छह लोग के मौत हो गइल. क्रासिंग बिना चौकीदार वाला रहला का चलते ई दुर्घटना भइल. मरे वालन में तीन गो ओरत आ तीन गो मरद रहलें.

कुछ दिन पहिले लखनऊ से दिल्ली आगरा एक्सप्रेस वे के उद्घाटन करे वाला यूपी के मुख्यमंत्री आजु फेर अपना मन के बात कहलन कि ई एक्सप्रेस वे लखनऊ तक बढ़ आवे त नीक रही आ एहसे राज्य के विकास के फायदा होखी.

आजु अतवार 12 अगस्त के डी.एल.डब्ल्यू. मजदूर संघ, वाराणसी के नइकी कार्यकारिणी के गठन भारतीय रेलवे मज़दूर संघ के राष्ट्रीय अध्यक्ष के॰एन॰ शर्मा, राष्ट्रीय महामंत्री रामानंद त्रिपाठी, सोमेश्वर राम आ ज्वाला प्रसाद तिवारी कइलें. नइकी कार्यकारिणी के अध्यक्ष एसपी सिंह, कार्यकारी अध्यक्ष राधा बल्लभ त्रिपाठी, महामंत्री नरेंद्र कुमार मिश्र, कोषाध्यक्ष मुन्ना प्रसाद, सहायक महामंत्री राकेश