Archives for January 2013

एह साल सारण जिला में २१५७९ गो इंदिरा आवास बनावे के लक्ष्य रहुवे जवना में से १९३९४ गो आवास के स्वीकृति दे दिहल गइल बा. जिलाधिकारी बतवले बाड़न कि जवना लोग के दुसरका भा अंतिम किस्त नइखे मिलल से जल्दी से बीडीओ भा डीडीसी का लगे दरखास्त देसु.

काल्हु रोहतास के सामाजिक कार्यकर्ता खपड़ बाबा के निधन हो गइल, निधन पर स्थानीय विधायक रामधनी सिंह शोक जतवले बाड़न.

सिवान जिला के महाराजगंज से सांसद उमाशंकर सिंह के काल्हु उनुका गाँवे रेनुआ में राजकीय सम्मान का साथे कर दिहल गइल. उमाशंकर सिंह के निधन पिछल चौबीस जनवरी के दिल्ली में इलाज का दौरान हो गइल रहे. अंतिम संस्कार में मंत्री पी के शाही, सांसद रघुवंश प्रसाद सिंह समेत ढेरे खासमखास लोग मौजूद रहल.