मनियर, बलिया। ब्रम्ह स्थान के नीयरे से माइ के गोदी से ओकरा लइका के ले भागल बदमाशन के अबहियों ले सुराग ना लागल। न्याय खातिर उ दर दर भटकतिया, पुलिस अधीक्षको से कहलसीह बाकी अभियो ले पता ना लागल। बतावल जाता कि दुबहर थाना क्षेत्र के मिल्की निवासी सत्यानन्द मिश्र पिछलका आषाढ़ से अचानक लापता हो गइलन त ओकरी बाद ससुराल वाला उनकरा मेहरारू मंजू मिश्रा के लइकन सहित गर्भवती हालत में घर से बहरा क दीहलन स। उ मनियर में नवका ब्रम्ह बाबा कीहां आके रहे लगुवी आ उहवें जनवरी में पहिली तारीख के एक लइका के जनम दीहली। ओपर बहुते लोगन के निगाह रहल ह कि एक लइकवा के केहू तरे ले लीहल जा बाकी उ माइ देत ना रहलि ह। बुझाता कि एही से लइकवा के लोग राति में छीनि के भाग गइल ह। पुलिस का एके गंभीरता से लेबे के चाहीं आ कारवार्इ करे के चाहीं।

By admin

%d bloggers like this: