सिविल सर्विसेज के इम्तिहान के तारीख अबही ले तय ना हो सकल

सिविल सर्विसेज परीक्षा में एप्टिच्यूड टेस्ट राखल जाव कि ना एह पर अबही ले फैसला ना हो सकला का चलते सिविल सर्विसेज के परीक्षा के तारीख अबही ले घोषित नइखे भइल जबकि एकरा पहिले दू फरवरी के घोषित होखे के रहल. इहो बात अहजह में बा कि वैकल्पिक विषय राखल जाव कि ना. एह सगरी अहजह का बीच परीक्षा में बइठे के तइयारी में लागल प्रतिभागी परेशान बाड़ें. जानकारन के सलाह बा कि एह बीच ओह लोग के सामान्य ज्ञान पर पूरा ध्यान देबे के चाहीं.