Go to ...

टटका खबर

Online Bhojpuri Newspaper

RSS Feed

रसड़ा में स्कूल बस पलटला से डेढ़ दर्जन विद्यार्थी घवाहिल


रसड़ा सेंट जेवियर्स स्कूल के एगो बस काल्हु उपरि बेरा विद्यार्थियन के स्कूल से घरे लवटावत घरी पावर हाउस का लगे पलट गइल. एह दुर्घटना में डेढ़ दर्जन विद्यार्थी घवाहिल हो गइलें. एहमें से पाँच गो लइकन के हालत अधिका खराब आ ओहनी के बलिया जिला अस्पताल में भरती करावल गइल बा. बतावल जात बा कि बस के एगो पिछला टायर बर्स्ट हो गइला का चलते बस बेकाबू हो के पलट गइल. अगल बगल के लोग दउड़ल आ पलटल बस में लइका लइकिन के निकालल लोग. बस पलटते ओकर चालक भाग पराइल.

संजोग से ओही घरी पूर्व विधायक राम इकबाल सिंह के कार आ सनबीम स्कूल के बस ओहिजा पहुँचल रहे जवना से घवाहिलन के रसड़ा अस्पताल चहुँपावल गइल. बाद में बलिया जिलाधिकारी सत्यनारायण श्रीवास्तवो अस्पताल चहुँपलन आ घवाहिलन के बेहतर इलाज करे के निर्देश दिहलन.

Tags: ,

%d bloggers like this: