सिविलसर्जन का खिलाफ डाक्टरन के मोर्चा बंदी

पिछला दिने सिवान का निजी नर्सिंग होमन पर पड़ल छापामारी से नाराज डाक्टर आईएमए का बैनर तले एकजुट हो के सिविल सर्जन का खिलाफ मोर्चा खोल दिहले बाड़न. एह लोग के आरोप बा कि छापा मारे वाली टीम पाँच लाख रुपिया के घूस मँगलसि आ ना दिहला पर छापामारी कइल गइल. डाक्टरन के कहना बा कि सिविल सर्जन आ ड्रग इंसपेक्टर मिलीभगत कर के डाक्टरन के तरह तरह से हड़कावत रहेलें आ गिरफ्तारी के धमकी देके दोहन के कोशिश होखत रहेला.