web analytics

समर स्पेशल रेलगाड़ी

गरमी के छुट्टी के भीड़ निपटावे ला अहमदाबाद लखनऊ का बीच समर स्पेशल पहिला अप्रेल से २६ जून का बीच हर हफ्ता चलल करी. अहमदाबाद से सोमार के दिन में साढ़े एगारह बजे खुली आ लखनऊ अढ़ाई बजे रात में चहुँपल करी. एने से बुध का दिने रात में अढ़ाई बजे खुली आ अहमदाबाद बियफे के सात बजे सबेरे चहुँपल करी.

दिल्ली आ छपरा का बीच समर स्पेशल ७ अप्रेल से १ जुलाई का बीच दिल्ली से सोमार के दुपहिरया अढ़ाई बजे खुलल करी आ छपरा अगिला दिने एगारह बजे चहुँपी. लवटान में छपरा से अतवार का दिने साँझ चार बजे खुली आ दिल्ली अगिला दिने साढ़े बारह बजे दुपहरिया में चहुँपी. एकर ठहराव गाजियाबाद, मोरादाबाद, बरेली, लखनऊ, शाहगंजम खोरासन रोड, आजमगढ़, मुहम्मदाबाद, मऊ, आ बलिया में होखल करी.

आनन्द विहार दिल्ली से गोरखपुर का बीच समर स्पेशल हफ्ता में तीन दिन चली. आनंद विहार से हर बुध, शूक आ अतवार के साँझ सात बजे खुले वाली ई रेलगाड़ी गोरखपुर से मंगल, बियफे, आ शनिचर के लवटल करी.

 278 total views,  5 views today

%d bloggers like this: