एटीएम ठग के पिटाई कर के पुलिस के सँउपल गइल
April 19, 2013
पीएनबी के बनियापुर शाखा के एटीएम से रुपिया निकाले आइल एगो बूढ के बरगला के एगो ठग उनका एटीएम से चार हजार रुपिया निकाल के ले भागल बाकिर अगल बगल के लोग के हल्ला मचवला का बाद गाँव वाले ओकरा के पकड़ लिहलें. पकड़ाइल ठग रिविलगंज परसा के रंजीत साह बतावल जात बा. ओकरा लगे से तीन गो एटीएम कार्ड मिलल. पकड़इला का बाद ऊ ओह बूढ़ के रुपिया वापिस कर दिहलसि बाकिर लोग ओकर जम के पिटाई कइलें आ पुलिस के सँउप दिहलें.
