बक्सर के मुसाफिरगंज में गहना के एगो दुकान में लूट के कोशिश हल्ला भइला का बाद फेल हो गइल. बतावत जात बा कि दिन दुपहरिया में दू गो युवक अइलें आ अंगुठी बेचे खातिर मोलभाव करे लगले. दुकानदार अंगूठी के दाम बाद में देबे के कहलसि त ऊ दुनु मोबाइल से अपना अउरी साथियन के बोला लिहलन स. फेर दुकान बंद कर के तिजोरी खोले के कोशिश करे लगले सँ. दुकानदार एह पर विरोध कइलें त उनका पर गोली चला दिहलें सँ. संजोग से गोली लागल ना त रिवाल्वर का बट से मार के उनकर माथ फोड़ दिहलें सँ. एह बीच गोली के आवाज सुन के लोग जुटे लागल त छहो जने भाग निकलले बाकिर आपाधापी में ओकनी के एगो मोटरसाइकिल ओहिजे छूट गइल.
पुलिस एह मामिला के जाँच करत बिया.