Go to ...

टटका खबर

Online Bhojpuri Newspaper

RSS Feed

अपहरण का मामिला में मुखिया गिरफ्तार


सारण जिला के मुखिया संघ के जिला अध्यक्ष रह चुकल आ सोनबरसा के मुखिया दलन प्रसाद यादव के एगो औरत के अपहरण का मामिला में पुलिस गिरफ्तार कइले बिया.

करीब तीस साल पुरान एगो मुकदमा में झारखंड के लोहरदग्गा के नौवाडीह के चारवा उराँव आरोप लगवले रहलन कि उनुका बच्चियन के अपहरण कर लिहल गइल बा. जाँच का बाद पुलिस चार जने पर, जवना में दलनो यादव के नाम शामिल बा, एह मामिला के दोषी पवले रहुवे बाकिर दलन यादव फरार हो गइल रहलन. बाद में अपना बदले एगो दोसरा आदमी के समर्पण करा के जमानत लेबे के कोशिश कइलन बाकिर मामिला खुल गइल आ ओह आदमी के जेल भेज दिहल गइल.
कोर्ट तब पिछला साल दलन यादव के गिरफ्तारी के वारंट जारी कइले रहुवे. ओही मामिला में अब शनिचर का दिने पुलिस दलन के गिरफ्तार कर के झारखंड पठा दिहलसि.

Tags:

%d bloggers like this: