बरखा का चलते थावे महोत्सव फीका पड़ गइल

थावे महोत्सव के दुसरका दिने अतवार के रुक रुक के होखत बरखा का चलते सगरी इन्तजाम धइल रह गइल आ ओतना लोग ना चहुँप पावल जतना खातिर इन्तजाम रहुवे. अगल बगल के लोग आ कुछ चारपहिया सवार जरूर चहुपले. कवनो महोत्सव में शामिल होखे पहिला बेर बिहार आइल अनुराधा पौडवाल अपना भजन से दुसरका दिन के कार्यक्रम के शुरुआत कइली. बाद में पत्रकारन से बतियावत पौडवाल कहली कि एह तरह के कार्यक्रम से थावे के माई के नाम पूरा दुनिया में अउरी मशहुर होखी.

थावे के होमगार्ड मैदान में होखत एह कार्यक्रम में प्रदीप कुमार, मनोज कुमार, वंदना शर्मा, नागेन्द्र गुप्ता समेत अनेके कलाकार आपन प्रस्तुति दिहलें.