केन्द्रीय ग्रामीण विकास मंत्री जयराम रमेश कहले बाड़न कि मनरेगा में खामी निकाले वाला कैग से उनुका कवनो शिकायत नइखे काहे कि कैग के कामे होला गड़बड़ी खोजल आ ओकरा के सामने ले आवल. आ इहो साँच बा कि अनेके राज्यन में, खास कर के बिहार, यूपी आ ओडिशा में, एह योजना के फंड के गलत इस्तेमाल होखत बा.
कैग का रिपोर्ट में कहल गइल बा कि बिहार, यूपी, आ महाराष्ट्र में मनरेगा के बीसे फीसदी फंड के इस्तेमाल भइल बा जबकि एह राज्यन में देश के ग्रामीण आबादी के छियालिस फीसदी लोग रहेला.
