चारामशीन से दबा के लइका मरल

गोपालगंज के भोरे थाना के केरवनिया गाँव के सिसई टोला में अपना मामा किहाँ रह के पढ़ाई करे वाला भोपतपुरा के एगो लइका खेल खेल में चारा मशीन से टकरा के नीचे दबा गइल आ ओहिजे ओकर मौत हो गइल.

एगो दोसर दुर्घटना में दिघवा गाँव के एगो आदमी अपना भतीजी का तिलक में मोकामा गइल रहलें जहाँ से एगो टाटा सूमो पर लवटत रहलें. बाढ़ थाना के मोर गाँव का लगे सूमो एगो डम्पर से टकरा गइल. एह दुर्घटना में उनकर ओहिजे मौत हो गइल.