महाराजगंज संसदीय सीट के उपचुनाव में पीके शाही के परचा आज

राजद सांसद उमाशंकर सिंह का निधन से खाली महाराजगंज संसदीय सीट पर होखे वाला चुनाव खातिर जदयू का ओर से बिहार के मौजूदा शिक्षा मंत्री पी के शाही आजु सोमार का दिने आपन परचा दाखिल करीहें. राजद का ओर से प्रभुनाथ सिंह के उम्मीदवार बनावल गइल बा आ ऊ मंगल का दिने आपन परचा दाखिल करीहें.

जान जाईं कि जे ई चुनाव जीती ओकरा हद से हद एक साल ले सांसद रहे के मौका मिल पाई काहे कि साल २०१४ में लोकसभा के चुनाव होखल तय बा आ जवन अनेसा के बदरी छपले बा देश के ओकरा के देखत कहल जा सकेला कि चुनाव के एलान पहिलहु हो सकेला.