गोपालगंज के महमदपुर चौक पर नेशनल हाईवे २८ पर एगो बेलगाम ट्रक एगो औरत आ ओकरा गोदी में दू महीना के बच्ची के कचारत भाग निकलल. बच्चिया के त ओहिजे मौत हो गइल आ ओह औरत के मौत इलाज का दौरान अस्पताल में हो गइल, एह दुर्घटना से नाराज लोग पाँच घंटा ले हाईवे जाम राखल. कुछ लोग चहेटा मारत ओह ट्रक के १५ किलोमीटर दूर घेर लिहल आ ट्रक के ड्राइवर, खलासी आ एगो अउर आदमी के ओह ट्रक पर से पुलिस गिरफ्तार कर लिहलसि. मरे वाली औरत सिवान के भगवानपुर से अपना भाई संगे अपना ससुरारी, बिरितिया गाँव, लवटत रहुवे जब ई दुर्घटना भइल.
