बिहार में प्लस टू शिक्षक लोग के बहाल करे ला 11 जून से 10 जुलाई का बीच अभ्यर्थियन से आवेदन लिहल जाई. आ ओकरा बाद दस जुलाई से तीस अगस्त का बीच बहाली के सगरी प्रक्रिया पूरा कर लिहल जाई. अभ्यर्थियन के मेरिट लिस्ट अनुमोदित हो गइला का बाद चुनाइल अभ्यर्थियन के बहाली के चिट्ठी जारी कइल जाई.

उच्च माध्यमिक शिक्षक पात्रता परीक्षा (एसटीइटी पेपर टू) में उत्तीर्ण अभ्यर्थीए एह बहाली ला संबंधित नियोजन इकाईयन में आवेदन जमा करीहें. एसटीइटी पेपर टू में 20 हजार अभ्यर्थी उत्तीर्ण भइल बाड़ें जवना में से करीब एगारहे हजार लोग प्रशिक्षित बा. फिलहाल खाली प्रशिक्षिते अभ्यर्थियन के बहाली पत्र दिहल जाई. बाद में राष्ट्रीय अध्यापक शिक्षा परिषद (एनसीटीइ) से अनुमति मिलला का बाद अप्रशिक्षित अभ्यर्थियन के बहाल कइल जाई.

बतावल जात बा कि उच्च माध्यमिक शिक्षकन के कुल 52 हजार पद खाली बा. एहसे बाकी बचल पद पर बहाली ला फेर से इम्तिहान लिहल जाई.

एह बीच पंचायत शिक्षकन (प्राथमिक) के बहाली चिट्ठी आजु जारी होखे वाला बा. एह में पचास हजार से अधिका शिक्षकब के बहाली होखे वाला बा.

By admin

%d bloggers like this: